طريقة عمل البسبوسة زى المحلات فاطمة ابو حاتى

السلام عليكم ..

النهارده جايبالكم وصفه انما ايه تحفه جدا كلنا بنحبها وبنشتريها عشان مش بتظبط معانا ..

النهارده هخليكى تعمليها فى البيت بمقادير مظبوطة

 البسبوسة :

المقادير :

2 كوب دقيق سميد بدون سكر

نص كوب سكر

3 معالق لبن بودرة

4 معالق سمنه

نص كوب حليب دافى

معلقتين بيكنج بودر

معلقه عسل نحل او جلوكوز

الطريقة :

اول حاجه هنجيب طاسه نضيفه ونحمر فيها الحليب البودرة لحد ما يبقى لونه زى البسكويت ونرفعه من على النار ..

هنحضر فى البوله ..

دقيق البسبوسه وعليه البيكنج بودر واللبن البودرة والسكر وهندفى السمنه مع معلقه العسل وننزل بيهم

على الدقيق ونقلب ونغلف كل حبات السميد بالسمنه كويس اووى ..

بعد كده هنضيف الحليب الدافى ونقلب من تحت لفوق تقليب بس مش عجن ..

هندهن صينيه بالسمنه او الطحينه ونحط البسبوسه فى قالب 24  وندهن ايدينا سمنه ونساوى الوش وممكن نحط مكسرات ونخبط

 الصينيه خبطتين وندخلها الفرن الساخن لحد ما لونها يحمر حوالى 25 دقيقة ..

الشربات :

2 كوب سكر

2 كوب مايه + فانيليا ونص ليمونه ومعلقه سمنه بعد ما تغلى

اما تخرج البسبوسه وهى سخنه نحط الشربات وهو سخن بيغلى وشمى احلى ريحه بسبوسه فى البيت زى بتاعت المحلات ..

الف هنااا ..