طريقة عمل فخده لحمه بالخضار فى الفرن فاطمة ابو حاتى

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها وبنطلبها من بره ..

فخده لحمه بالخضار :

هنجيب فخده لحمه من الجزار وممكن نعمل بلحمه الموزه بتبقى حلوه اوى يعنى الطريقة تنفع النوعين ..

هنجيب الفخده ونغزها بالسكينه ونعمل فتحات بسيطه فى كل مكان ونتبلها بمايه بصل وملح وفلفل اسود وبهارات لحمه وبصل وتوم بودر وبابريكا ونسيبها من بليل للصبح أو ع الأقل 4 ساعات ..

هنجيب كل الخضار اللى بتحبه ومقطعه مكعبات ونرش ملح وفلفل وندهنه شويه زبده ونفرشة فى صينيه بايركس وفوقه فخده اللحمه وتغطيه بورق زبده وفويل ونحطه فى الفرن على درجه متوسطه وبعد ساعتين نشوف استوى ولا لسه ولما يستوى نشيل الورق وتفتح الشوايه ياخد لون حلو ..

جربوه والف هنا ..