طريقة عمل مندى اللحم والأرز البسمتي فاطمة ابو حاتى

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم ..

مندى اللحم :

لحمه بتتبل ب مياه بصل و طماطم معصوره و كركم  و بودره ثوم و فلفل اسود  وملح و روزمارى و بتتساب فى التتبيله ساعتين 

بعدين بنحطها فى ورق زبده وورق فويل و ندخلها الفرن ساعه ونص 

ولازم تكون لحم بالعضم وفيه نسبه دهن

الارز البسمتي :

بنغسل الارز و نسيبه شويه 

فى حله بنحط معلقتين زبده  ومعلقة زيت 

وتوابل صحيحه زي لمونه ناشفه و ٢ حبهات ى عود قرفه و ورقه لاورى و ٣ قرنفل و فلفل اسود دواير 

ومعلقه ملح و معلقه توابل كبسه  ونديهم تقليبه لحد ما تطلع ريحه التوابل و ننزل البرز البسمتى المغسول و ونقلبهم وبعدين نحط مياه مغليه 

ونسيبه يتشرب 

اول ما يتشرب بنجهز على جنب فنجان مياه فيه  حبه صغيرين زعفران لحد ما يدي اللون ونكب المياه دى على وش الرز بدون تقليب ونغطي ونسيبه يستوى 

وبس كده بعدين بنحط الرز وعلى الوش اللحمه بعد ما تستوى و عليها شويه مكسرات وزبيب متشوحين في زبده ..

الف هناا ..