السلام عليكم ورحمه الله وبركاته ..
النهارده جايبالكم وصفة إنما ايه حلوة اوى وهتعجبكم كلنا بنحبها وبنطلبها من بره مع انها سهله جدا ..
ريش مشويه :
ريش ضانى أو بتلو
وبصله كبيره حلقات
وفلفل ألوان حلقات
ونحط فى الكبه بصله وسط وطماطمايه وفصين توم وحبهان وفلفل حراء ونضربهم جدا
وبعد كده نحط التوابل
فلفل اسود وكمون وبهارات شوى وزعتر وروز مارى وملح ومعلقة مسترده ومعلقة صويا صوص وخل ونص لمونه
ونحط كل الحاجات دى على اللحمه ونسيبها تتبل مش اقل من 4 ساعات ولو قبلها بيوم افضل
وبعد كده نحطها فى الفرن او نسويها على الجريل أو الشوايه بالفحم
وبعد ماتستوى نغطيها بفويل دقائق وتقدم مع ارز بسمتي وسلطه وبطاطس محمره
ألف هنا ..
تعليقات
إرسال تعليق