النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..
الفراخ المحشيه بالارز والفريك :
بعملها بفراخ شمورت يعنى صغيره
وتتحشى بالارز
الطريقه:
بغسلها حلو اوى وأنقعها فى ملح وليمون ومعلقه سكر وورقه لوروا كام ساعه
وبعدين فى الكبة يفرم بصل وملح وفلفل وممكن مرقة دجاج
باخد معلقة من البصل اشوح فيها الكبد و القوانص المتقطعة صغير
وباخد معلقة من البصل فى حلة فى شوية زيت يدبلوا وانزل بالارز واسويه تلت أربع سوا
وبعدين اخلط الارز مع الكبدة المتشوحة
وباقى البصل بتبل بيه الفرخة من برا ومن جوا وتحت الجلد وحوالين الوراك وفى الرقبة
وبعيدن استنى الارز يهدى واحشى بيه الفرخة
واسلقها عادى خالص فى مياه فيها مستكه وحبهان و بصل و ورق لورا وملح وفلفل بتطلع شوربتها عسل ومش بتاخد وقت خالص
وبجيب صينية فيه سمنة بلدى ع زيت ع رشة ملح
واحمرها كويس وتقدم مع ملوخيه أو بطاطس
ألف هنا ..
تعليقات
إرسال تعليق