طريقة عمل كيكة سان سابستيان بمقادير اقتصادية فاطمة ابو حاتى

 

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم ومكسره الدنيا وترند فى تركيا ودبى ..

كيك سان سابستيان :

الطريقه والمقادير:

هنجييب 500 جرام جبنه فيلادلفيا 

كوب الا ربع سكر 

هنقلب الجبنه والسكر كويس اوى لحد ما يمتزجوا ..

ممكن بالمضرب اليدوى أو الكهربائي ..

هنزل بالبيض 4 بيضات بس واحده واحده لحد ما تختفى البيضه ننزل باللى بعدها ..

هنحط معلقه فانيليا كبيره ونقلب ..

نعصر نص ليمونه ونقلب ..

نحضر 300 جرام كريمه خفق ونضربها بالمضرب اليدوى وعليها معلقتين دقيق ونقلب كويس لحد ما يمتزجوا هنصب الخليط على خليط البيض والجبنه ونقلب كويس ..

هنحضر صينه مفتوحه من تحت ونغلفها بورق زبده ونصب الخليط زندخله الفرن على درجه 220 لحد ما تستوى وتجمد ..

هنخرج الصينيه ونسيبها تبرد لمده 12 ساعه وبعدها نرفعها على بايركس ونقطعها ونصب عليها الشيكولاته والنوتيلا ..

تحفه بجد جربوها..

الف هنا..