طريقة عمل عيش التميس الافغاني فاطمة ابو حاتى

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار بس مش بنعرف نعملها..

عيش التميس الافغاني :

 ناس كتير طلبوها مني بصراحه عيش مميز وليه طعم مميز وكمان اللي بيميزه أنه بالجبنه ويا سلام لو الجبنه بقي من النوع اللي بيمط حاجه كده تتآكل اكل الف هنا وشفا ..

المقادير :

٤كوب دقيق

٢م ك حليب بودر

٢م ك سمن

٢م ك سكر

م ك خميره

م ص ملح

ماء دافئ

سمسم للوجه أو حبه البركه أو زعتر

لبن للوجه

الطريقه :

بوله وفيها الخميره والسكر والميه واقلب لعند ما السكر يدوب واستني شويه عشان اتاكد أن الخميره تمام 

بعد كده اضيف الدقيق والحليب البودر والملح واعجن كل ده في بعضه واضيف كمان السمن واعجن لعند ما العجينه تبقي تمام وطريه وبعد كده اسيبها تخمر بس اضيف على وشها حته سمنه بس كده 

بعد التخمير اطلعها واقسمها علي اتنين لو عايزاها زي العيش طيب لو عايزاه زي البسكوت بتقرقش كده اقسميها على تلاته وبعد ما اقسمها اسيبها تريح عشر دقائق وبعد كده اجيب واحده منهم وافردها حاجه بسيطه وأحط فيها الجبنه واقفل عليه زي الكوره كده زي ما يكون بقرص العجينه واسيبها تريح عشر دقائق وبعد كده أفرادها في صنيه مدهونه سمنه ونفس الطريقه هعمل الجزء التاني اللي من غير جبنه واحطهم في فرن سخن علي درجه حراره ٢٠٠ لو مخدتش اللون من تحت اللي انتي عايزاه شغلي من فوق شويه وكده تبقي زي الفل ..

ألف هنا..