السلام عليكم ورحمه الله وبركاته ..
النهارده جايبالكم وصفة إنما ايه حلوة اوى وهتعجبكم كلنا بنحبها..
الكرواسون بالجبنة :
الطريقه والمقادير:
كيلو دقيق منخول
معلقه صغيره سكر
معلقه صغيره ملح
٣ معلق كبيره لبن بودره
بيضه
كيس خميره
كله علي بعضه ونلم العجينه لحد ما الدقيق يختفي
بعد كده الزبده معلقتين كبار ونلم العجينه كويس ومتقلقيش هتبقي فرولت معاكي لم فيها علي الرخامه لحد ما تبقي طريه وسيبها تخمر
بعد التخمير هنضعها علي الرخامه ونرش شويه نشا ونقطعها كور صغيره ونفردها واحده واحده بين الواحده و التانيه زبده ورشه نشا لحد ما نخلص العجين كله فوق بعضه ونضعها في الفريزر بس تجمد كويس ونتطلعها نرش علي الرخامه نشا ونفردها كويس سمك 1سم
ونقطعها مثلثات ونحشي الحشوات علي ذوقك مربي شكولاته وجبنه اي حاجه ونلفها من المثلث من وراء لقدام
وندهن الصنيه كويس ونرصها حتي تخمر وبعد كده ندهن الوش صفار بيضه ورشه قهوه وندهن بعد التخمير التسوية على درجه الحرارة ١٨٠ لمد ٨ الي ١٠ دقايق علي حسب الفرن ..
الف هنا..
تعليقات
إرسال تعليق