طريقة عمل الجبنة القديمة الصعيدى والمش القديم بالخطوات

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها..

الجبنة القديمة الأصلية :

 الطريقة :

اول خطوة تنشيف الجبنة هنجيب الجبنة البيضاء القريش ونخلط ملح مع شطة ونحاول تكون كمية الملح مظبوطة لان لو الملح قليل الجبنة هتبقي طريه خالص وممكن تذوب ولو الملح كتير اوي الجبنة هتبقي ناشفة. فنحاول تكون الكمية مظبوطة. اول حاج هناخد الجبنة ونغمسها في الملح والشطة لغاية ما تتغطي كلها وبعد كده نحطها في صينية كبيرة ونسيبهم مثلا في المطبخ اسبوع بس نحاول نبص عليهم ونقلبهم بعد اسبوع الجبنة هتبقي ناشفة. بعد كده نجهز المش احنا عندنا بنعمل المش بشرش الجبنة اللي هيا المياه اللي بتنزل من الجبنة القريش اسمه ميص. بس طبعا اكيد مش متوفر عندكم فهنعمل ايه نجيب لبن ونخففو بمياه ونغليه علي النار وبعد ما يبرد نحط عليه حلبة مطحونه وملح وشطة وغلة قمح متحمصه ومطحونه وحمص بتاع الكشري يكون متحمص ومطحون لازم نحمص الحاجه دي وبعد كده نقلب الحاجات دي كلها وطبعا الكل بيسأل الزاي المش عندكم في الصعيد لونو احمر. بصو تجيبو فلفل احمر بارد او حامي علي حسب ما عايزين ويتسلق ويتفرم في الخلاط ويتخلط علي المش هيبقي لونو احمر. وبعد ما نجهز المش نجيب برطمان بلاستك كبير ونحط فيه الجبنة بتاعنا ولازم لازم الجبنة تكون لاخر البرطمان يعني لو مكفاش نجيب جبنة وننشف بسرعه يوم ونحط لغاية ما يكمل للاخر وبعد ما نحط الجبنة نسيبها لتاني لوم مقفول عليها جوه البرطمان وبعد كده نضيف عليها المش بتاعنا وممكن نعصر لمونه من فوق وطبعا الناس هتقول المش بيربي دود فيه حاجه عند العطار اسمها سم الدودة بيتجاب ويتحط علي وش البرطمان والجبنة دي بتتاكل ممكن بعد 7 شهور او سنة لان المش لسه عاملينة اما بعد ما المش يتعتق نحط فيه الجبنه ناكلها بعد شهر والمش ده هيقعد معاكم لباقي العمر نتعب شوية وهنلاقي حاجه نظيفه ان شاء الله الف هنا ..