طريقة عمل بسكويت العشر دقائق الاقتصادى فى الخلاط الشيف نادية السيد

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار وهتبقى موفره جدا وسهله أن شاء الله..

بسكويت الخلاط :

تعديل

المقادير والطريقة:

2بيضة

كوب الا ربع سكر

كوب الا ربع زيت(عملته زيت ع سمنه)

معلقه صغيرة بيكنج بودر

2كوب دقيق(ذرة ملح) وممكن يحتاج ربع دقيق زيادة حسب ماتلم المهم بتكون طريه بسيط

نص كوب نشا وممكن اقل بيبقى انعم

الطريقه

السكر+البيض+فانيليا+بكنج بودر في الخلاط لحد مايدوب السكر خااالص

تضفيه ع الدقيق يتلم منغير عجن

وتقطعي كور بحجم اللمونه الصغيرة وشكلي بأي شكل يعجبك

وادهني الصينية بسيط زيت

الفرن يسخن 10دقايق وتسوية من ربع ل تلت ساعة

ملحوظة :

كل ماهتزودي دقيق هينشف اختبروا العجينه بالايد التانيه هتلاقوها زي الفل ولازم اصلا تكون طريه

لان ايدك اللي بتلمي بيها بتلزق لانها بتبقى سخنه وفيها عجين

ومش لااازم خالص تتحط في التلاجه ترتاح كفاية اوي 5دقايق ترتاح على ماتغسلي ايدك وتدهني الصواني ولعي الفرن وابدأي شكلي 

الف هنا ..