السلام عليكم ورحمه الله وبركاته..
النهارده جايبالكم وصفة إنما ايه حلوة اوى وهتعجبكم..
كفتة داوود باشا :
الطريقة :
_ نصف كيلو لحمة مفرومة حمراء بدون دهن ( علشان بعد ما تتحمر متقلش فى الحجم )
_ نحط عليهم بصله متوسطة بعد ما نصفيها من الماية بتاعتها
_ شوية بقسماط أو شوفان مطحون
_ ربطة بقدونس بدون العيدان ( الخطوة دى إختيارى)
_التوابل بقى ملح وفلفل اسود ورشة جوزة الطيب والسبع بهارات وأهم حاجة نصف معلقة قرفة
_ نكورها كور متوسطة الحجم بعد طبعا ما نعجنها فى بعضها كويس وبعدين نحطها نصف ساعة فى الثلاجة تمسك نفسها ،
_ نطلعها من الثلاجة ونعفرها بالدقيق ( والخطوة دى برضة أختيارى ) ممكن نحمرها مباشرة بدون دقيق
- نحمرها فى سمنة أو زبدة
_ الصلصلة بقى فى نفس الطاسة اللى حمرنا فيها ننزل بثوم مفروم وعلية كوباية طماطم معصورة و2 معلقة صلصة وكوب ونص ماية مغلية ونفس البهارات اللى حطناها على الكفتة ومننساش القرفة ونزود مرقة دجاج لو بتحبيها
_ لما تتسبك ننزل بالكفتة 10 دقايق بالظبط
_ ممكن تتاكل جنب أرز بشعرية أو مكرونة أو بالخبز
ألف هنا..
تعليقات
إرسال تعليق