طريقة عمل آيس كريم فى البيت كل الانواع بأسهل وصفة

 

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..

ايس كريم فى البيت :

فانيليا.. شيكولاته.. فراوله.. مانجه

وممكن يتعمل ب أطعم تانيه كتيره..

الطريقه..

الفاكهة لازم تكون مجمده قبلها بيوم ع الاقل ف الفريزر.. هنحتاج نص كيلو فاكهه مجمده..

كل نص كيلو من الفاكهه هيعمل كيلو ايس كريم.. 

مانجا.. فراوله...كانتالوب..بطيخ..برتقان(أي فاكهة تحبوها)ن

طلع الفاكهه من الفريزر ١٠ دقايق تهدي شويه بعدين نضربها ف الكبه او الخلاط..يفضل من غير ميه.. ممكن الفراوله نحطلها نص كوبايه ميه لأنها بتبقي جامده شويهب

المضرب الكهربي..

هنحط نص كيلو الفاكهه المجمده بعد ما هرسنا عليها

 معلقتين عسل ابيض..

و5 معالق كبيره كريم شانتيه خام..

3معالق كبيره سكر بودره..

علبه زبادي

ونضربهم لحد منلاقي القوام بقي كريمي..

ف علبه نضيفه وع الفريزر ويتقدم تاني يوم 

آيس كريم  الفانيليا.. الشيكولاته.. الموكا.. النسكافيه

لكل نوع من دول هنحتاج نص كيلو لبن متلج...حطيه ف الفريزر ساعه قبل مستعمليه..

وعليه معلقتين كبار عسل ابيض..

5معالق كبيره كريم شانتيه خام..

3معالق كبيره سكر بودره...

الفانيليا.. هضيف نص معلقه صغيره فانيليا.. او 3نقط روح جوز هند(عند العطار والقزازه مش غاليه خالص وبتقعد كتير)

الشيكولاته.. هنخط معلقتين كبار نوتيلا ومعلقه كبيره كاكاو خام

النسكافيه..هحط معلقه كبيره نسكافيه او باكو نسكافيه ٣ف١

الموكا..هحط ياكو موكا بتاع بونجورنو

وطبعا مع كل نوع هنضرب بالمضرب ضربا مبرحا لحد ماتحصلي علي قوام كريمي.. وف علبه نضيفه وع الفريزر ويتقدم تاني يوم..

والف هنا ..