طريقة عمل ورقه لحمة بالخضار تحفة

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..

ورقة لحمة بالخضار :

الطريقة : 

 نضع طاسة فيها ملعقة كبيرة ومكعبين زبدة على النار وأول ما تسخن هنزل عليها شرائح اللحم تتشوح هتاخد لون من الناحيتين هشيلها وانزل مكانها البصل وبعدين الثوم وأول ما يسخنوا بدون ما لونهم يحمر هنزل عليهم الخضار متقطع قطع كبيرة عشان ما يتهريش( جزر ، بطاطس ، فاصوليا )  وبعد ما يبتدى الخضار يتشوح هنزل الكوسة آخر حاجة تتشوح حاجة بسيطة ونضع ملح وفلفل وبهارات ورشة قرفة ( وماتكتريش فى التوابل عن كدا عشان ما نضيعش طعم اللحم ) ونرفع الخضار من على النار ... وبعدين هنبتدى نجهز ورقتين فويل عشان يتحملوا اللحمة والخضار من غير ما يتقطع وبعدين ورقة فويل بالعكس وكمان ورقتين زبدة عكس بعض ... ونزلت اللحم الأول وبعدين الخضار واقفلى عليهم حلو وعلى الفرن الساخن لمدة ١٠ دقايق على درجة حرارة عالية وبعدين نهدى النار ...ةوبعد ساعة بالضبط هتكون استوت وبقت دايبة ورهيبة ... 

ألف هنا ..