طريقة عمل كفته الفراخ البانية لذيذة واقتصادية

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..

كفتة الفراخ :

المقادير :

 صدور مفرومة فالكبة ..تفل بصلة كبيرة مبشورة..فص توم..تفل 3 طماطم مبشورة..1 فلفل اخضر مفروم..نص حزمة بقدونس مفرومة..معلقة صغيرة ملح ورشة فلفل اسود..معلقتين كبار بقسماط..

الطريقة :

نخلط كل المكونات مع بعض ما عدا البقسماط.. ونرجع نفرم نص المقدار فالكبة عشان الخليط يكون متجانس اكتر.. بعدين نضيف البقسماط ع الخليط كله ونخلطهم كويس و نسيبه يرتاح نص ساعة..

نكون محضرين صينية مدهونه زيت.. وخطوة مهمة جدا ايدينا نحطها الاول في زيت واحنا بنصبع الكفتة عشان متلزقش في ايدنا ويكون شكلها متناسق 

بعد ما صبعناها ورصناها هنحطها في التلاجة تتشمع

وبعدها بساعه هنعملها بالبيض وخلطه الفيجتار ونحطها تانى فى التلاجة بعدها نقليها في زيت غزير أو الاير فراير

اول ما تاخد لون حلو نطلعها وتؤكل ساخنه افضل مع بطاطس محمره ومكرونة

الف هنا ..