طريقة عمل جمبرى مقلى كريسبى تحفه

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..

جمبرى كرسبى :

 بسيبه بقشره و بعمل خلطة ( ملح و فلفل و كمون و دقيق و نصف ملعقة نشا و ملعقة ثوم مفروم و خل و كيس فيجيتار حار على بارد و شويه ميه ) واحطها على الجمبري و أقلبه فيها و أسيبها فى الثلاجة ساعة و بعدين أقليه فى زيت ساخن على نار متوسطة  تحفة بيتاكل بالقشر مقرمش وجميل جدا  

الأرز  بالجمبري :

 بتبل الجمبرى المتقشر  بملح و فلفل و كمون و طماطم مبشورة وثوم مفروم 

و أغمق بصلة فى زيت على النار و انزل عليها بالحبهان و المستكة  تقلبتين أنزل بالجمبرى يتشوح كويس و ينزل ميته و يشربها أنزل بالميه تاخد غلوتين أنزل بالأرز بعدد اكواب الميه و نحط الملح و أغطى يتشرب أوطى النار  و أضع الشياطة لغاية ما يستوى ..

ألف هنا ..