طريقة عمل صينية بطاطس بالفراخ في الفرن ملهاش حل

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..

صينيه بطاطس بالفراخ:

الطريقة:

اول حاجه هنغسل الفراخ ونحطها في محلول النقع كام ساعه

المحلول معلقتين كبار ملح وسكر وورق لورا وليمونه ..

هنحضر صينيه البطاطس عملتها بدون طماطم طعمها حلو اوى ..

هنقشر البصل كتير وندعكه بملح وفلفل .

وعليه فلفل رومي كام واحده 

وعليه البطاطس مكعبات ونحط الملح والفلفل ونقلب ..

معلقه سمنه ..

هنحط الفراخ. بعد ما ندعكها ببصل وملح وفلفل

ونحشيها تحت الجلد بصل ..

ونحطها في الفرن  لحد ما استوى والفراخ تاخد لون حلو ..

الله على ريحتها وطعمها ..

جربوها هتعجبكم..

الف هنا..