طريقة عمل كشرى العدس الاصفر الاسكندراني وطماطم مخللة

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم..

كلنا بنحبها كبار وصغار..

 كشرى عدس اصفر وبيض مدحرج وبطاطس مقلية وطماطم مخللة :

الطريقة:

الكشرى بنغسل الرز مع العدس والعدس يكون نص مقدار الرز كل كوباية رز لها نص كوباية عدس و نسخن  زيت اكتر من زيت الرز العادى ونحطةعليه المايه ولما تغلى ننزل بالرز والعدس المغسولين ونطبخه زى الرز العادى ..

البيض بنسلقه وبنحمره فى زبدة او زيت ..

الطماطم بنغسلها ونقطعها نصين بس مش للاخر ونفرم توم ونتبله بكمون وملح ومعلقة خل ونحشى الطماطم ..

والبطاطس نحمرها ونقدمها ساخنه ..

ألف هنا..