طريقه عمل الزيتون الاسود الاسبانى والكلاماتا في البيت

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى..

الزيتون الاسود الاسبانى:

هتجيبي الزيتون وتغسليه وتسيبيه ينشف من المايه وتجيبي برطمان وتحطي طبقه زيتون وطبقه ملح وهكذا لحد الكميه ماتخلص وتقفلي البرطمان كويس وتغطيه بقماشه وتحكمي عليه علشان مفيش حاجه تيجي عليه وتفتحي بعد شهر وتاخدي واحده لقيتي الزيتون المراره راحت يبقي استوي مراحتش سيبيه كام يوم كمان ومتقلقيش مش بيجراله حاجه لو سيبته وقت في الملح وهتلاقي منزل الزيت ومبقاش فيه ملح دي الخطوه الاولي الزيتون مرارته راحت واستوي ندخل في المرحله التانيه تجيبي حله وتحطي فيها مايه تغلي علي النار وتكوني مصفيه الزيتون طبعا من الملح والزيت اللي نزل منه وتحطي الزيتون في المايه اللي بتغلي علي النار تقليبيتن هتلاقي الزيتون نفشت ورجعت زي ماكانت لانها لما بتسيبيها في الملح فتره بتنشف بس متقلقيش وتطلعي الزيتون من المايه المغليه تقليبتين بس علشان ميتهريش تشطفيه بمايه بارده وسيبيه يبرد وتكوني مجهزه برطمان فيه مايه مغليه ومبرداها وعليها خل وحبه زيت وتنزلي الزيتون فيها وتسحبي منه للاكل انا كنت بسيبه في الملح واسحب شويه بشويه اعملهم في المايه ولو عاوزه تعملي الكميه كلها مره واحده اعمليها وهتاكلي احلي زيتون اسود في حياتك ..

ألف هنا..