طريقة عمل البسبوسة المكرملة الدايبه زى المحلات

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..

البسبوسه المكرمله:

الطريقة والمقادير:

نصف كيلو دقيق بسبوسه او دقيق سمولينا 

كوب الاربع حليب

نصف كوب سمنه

كوب ونص سكر حبيباته ناعمه بلاش الخشن 

للسيرب :

كوبين سكر

كوبين ماء

عصير نص ليمونه

ربع ملعقه صغيره فانيليا

الطريقه :

نضع كل مقادير السيرب علي النار واول ما يغلي نهدي عليه يغلي ٨دقايق نضع الفانليا ونطفي النارو نقلب براحه عشان الفانليا..

ثانيا البسبوسه :

في وعاء عالنار نضع السكر اول ما يبتدي يسيح نهدي اوي النار ولما يصبح لونه ذهبي ننزل باللبن وياريت نكون ساخن عشان ميتكتلش ولما يغلي ننزل بنص كوب السمنه ونقلب لما يمتزجوا نطفي النار وننزل بدقيق السمولينا ونقلب مع بعض الخليط ونكون مجهزين صنيه مدهونه كويس جدا بالسمنه وننزل بخليط البسبوسه وتدخل فرن ساخن من قبلها بخمس دقائق علي درجه حراره ٢٠٠تلت ساعه بتكون استوت واخدت لون دهبي محمر  جميل نطلعها تسقي بالسيرب ساخن وهي ساخنه لو السيرب برد نسخنه تاني 

نلتزم بالمقادير والطريقه هتطلعي احلى بسبوسة ..

ألف هنا ..