النهارده جايبالكم وصفة إنما ايه حلوة اوى وهتعجبكم..
سمك ماكريل سنجارى :
هقولك على طريقة تخليكي تحبيه بصي ياستي .. هتجيبي السمكة وتفتحيها من الضهر مش من البطن بحيث تبقى واخدة شكل القارب "سنجارى " وتنضفيها كويس وبعدين تدهنيها زيت وتوم وتدخليها الفرن عشر دقايق وبعدين تطلعيها تدهنيها مايونيز وتدخليها كمان عشر دقايق ربع ساعة وبعدين تحطي عليها فلفل الوان وخضرة متقطعين وتفتحي عليها الشواية هادية لحد ماتاخد اللون الجميل بتاع الشوي
وهقولك على طريقه عمل التونه :
طبعا ننضف بطنها ونشيل الراس
ويستحسن تكون تونه بيضه علشان الحمرا بتكون فيها زفارة
وتتغسل طبعا
ونقطعها جزل
بعد كده نجيب حله اللى هى وعاء يعنى
ونحط فيه ميه وملح وفلفل وكمون وممكن كسبرة ناشفه
وحلقات بصل وفصوص توم وشرائح لمون وجزر متقطع
نولع عليهم لحد ما تغلى
ننزل بالتونه فيها
تاخد غلوه وبعدي نوطى عليها النار
لحد ما تستووى
ودى بتاخد من ساعتين ونص لتلاته حسب حجم السمكه
وبعدين نطلعها
نشيل العضم ونقشر الجلد
وبعدين تتحط فى برطمانات معقمه
ويتحط عليها محلول بيكون عباره عن
جزء من مية السلق
وملح وعصير لمون وخل وزيت
عند الاستخدام تتجهز زى ما بتجهز علب التونه بالضبط
وكلي الف هنا ..
تعليقات
إرسال تعليق