طريقة عمل تورلى باللحمه خضار مشكل باللحمة

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..

تورلي باللحمه :

المكونات والطريقة : 

نص كيلو لحمه كندوز متقطعه مكعبات ويفضل تكون فيها نسبه دسم او دوش. ومعانا حبة بطاطس متقطعه وجزرتين وحبتين كوسة وبصله متقطعه و5 فصوص توم متقطعين وقد نصف كباية بسله خضرة وحبة بتنجان متقطعه مكعبات ولو مش عايزين بتنجان عادي. ومعانا حبة طماطم متقطعه صغير. ومعانا بصله كبيره وحبتين طماطم للتقليه 

الطريقة : أول حاجه هناخد معلقة زيت كبيرة ف طاسه ع النار وبعد ما تسخن اوي ننزل باللحمه  ونشوح فيها لحد ما تتحمر من كل ناحيه بعد كده هنشيل اللحمه وهيقعد السمنة اللي ساحت منها ف الطاسه احنا قولنا عايزين اللحمه فيها نسبة دسم لو اللحمه معاكي مافيش فيها دهنه يبقي بعد ما اللحمه تتحمر نحط معلقتين سمنة اما هنا مش هحط دهون لان اللحمه نزلت كل الدهون اللي فيها لان كان فيها دهنه. المهم هنزل ف السمنه دي كل الخضار اللي معانا ونقلب فيهم 5 دقايق وبعد كده ننزل بالتوم والطماطم المتقطعه اخر حاجه وبعدين اللحمه ونحط بقي الملح والفلفل الاسود والكمون والكسبره والبهارات وننزل عليهم بالتقليه ونخففهم بشوربه وياخدو غلوه وبعد كده نحطهم ف الطاجن ونغطيهم بورق فويل وندخلهم الفرن ربع ساعه  ونشيل الورقه علشان ياخد لون معانا وأحلي طاجن تورلي باللحمه ومفيد جدا وطبق متكامل التقليه بقي بصله كبيرة ع النار متقطعه مع معلقتين زيت وبعد ما تحمل نحط عليها حبتين طماطم مسلوقين ونسيبهم يتعصجو ع النار مع بعض ونضربهم ف الخلاط ونضيفهم ع الطاجن ونخففهم بشوربه 

والف هنا  ..