السلام عليكم ورحمه الله وبركاته..
النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار..
معمول بالتمر :
المقادير:
٣ كوب دقيق
نص كوب سميد
نص كوب سكر بودر منخول
كوب سمنه
٣م ك لبن بودر
م ص محلب ناعم
رشه مستكه
م ص بيكينج بودر
تلات اربع كوب لبن
رشه ملح
الحشوة
كوب عجوة ٢٥٠ جرام
٢م ك زبدة
٢م ك زيت
الطريقة:
اول حاجه نعملها اننا هانحط الدقيق والبيكينج بودر مع السميد مع السكر الناعم واللبن البودر ورشه المستكه والملح والمحلب ونقلبهم كويس وبعدين نحط السمنه ونعجن كويس وبعدين نضيف اللبن وما نعجنش كتير عشان العجينه ما تفتحش ده بعض اضافه اللبن وبعدين نسيب العجينه ترتاح نص ساعه علي الاقل وهي متغطيه وبعدين نشكل المعمول ونحط في قلبه التمر أو العجوة وبما أن بنشتري العجوة ناشفه هانحط عليها معلقتين زبدة ومعلقتين زيت ونعجنهم شويه ونكورها كور صغيرة ونحطها في قلب الكورة العجين قبل ما نحطها في الفورمه بتاعت المعمول ونسويه علي درجه حرارة ١٨٠ تقريبا هاياخد ٢٠ دقيقه علي حسب الفرن ..
الف هنا..
تعليقات
إرسال تعليق