طريقة عمل صينية بطاطس بالكفته موفرة واقتصادية

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار.. 

صينية بطاطس بالكفته :

الطريقة والمقادير :

 اللحم :

ربع كيلو لحم مفروم 

بصلة كبيرة مفروم ناعم 

معلقه ملح صغيرة 

معلقه فلفل اسود صغيرة

نص معلقة صغيرة زنجبيل

نص معلقه صغيرة كبابة صيني 

ويتضربوا في الكبة .. ويتسابوا علي جنب

صينية البطاطس :

بطاطس متقطعه شرائح عليها 

بصله شرائح مخلوطه بمعلقه صغيره فلفل اسود 

طماطميه كبيره شرائح وفلفل كبير شرائح 

والبهارات .. نصف معلقه صغيره من ( فلفل اسود - كمون - بهارات لحمه - كاري - بربيكيا - معلقه صغيرة ملح . معلقه صغيرة توم ... وشويه زيت حلوين او معلقه سمنه 

ومكعب مرقه دجاج وطماطميتين مضروبين في الخلاط 

وينزل ده كله علي البطاطس ونحطها علي النار  من فوق لوحدها ربع ساعه وبعد كده تشيليها وتشكلى الكفته وتحطيها عليها وتدخل الفرن علي 200 وشوايه هاديه وتقدم مع الارز بالشعرية ..

والف هنااااا