طريقة عمل بريوش فطيرة طاقية السلطان هشه وطرية ناديه السيد

السلام عليكم ورحمه الله وبركاته..

النهارده جايبالكم وصفة إنما ايه حلوة اوى من وصفات اكلات ماما وهتعجبكم اوى ..

فطيرة طاقية السلطان :

بريوش السلطان :

الطريقة والمقادير:

هنجهز العجينة من نصف كوب ماء دافى

نص كوب حليب دافئ

ربع كوب زيت

بياض بيضه بحرارة الغرفه

5معالق سكر ومعلقتين صغيرين خميره فورية

ذره ملح ومعلقة فانيليا

هنقلب كل المقادير كويس وبعدها هنضع 3 كوب وربع دقيق بالتدريج ونقلب كويس

بعد ما يتلم كل العجين اقسميها نصين متساويين 

النص الاول هنعجنه كويس ونلمه ونضع قطعه زبده بحراره الغرفه قد البيضه او معلقه زيت ونعجنه ونلمه ..

والنص التانى هنضيف معلقه ونص كبيرة كاكاو قطعه زبده بحراره الغرفه قد البيضه 

ونعجنه كويس ونسيبهم يخمروا ..

بعد التخمير :

هنفرد العجينه الابيض على الرخامه ونعملها مستطيل ونحاول نفردها كوبس ونفرد الشيكولاته بردو على شكل مستطيل ويكونوا قد بعض

نضع العجينه الشيكولاته على العجينه البيضا ونساويها ونحشبها اى حشو ممكن شيكولاته او نوتيلا او مكسرات او قرفه بالسكر اى حشو ..

هنعمل شرايط من تحت لحد تلت العجينه فقط ونلمها من فوق نبرمها ومن تحت بنلف الشرايط على بعض الفانيليا والشيكولاتة ونلف باقى العجينه عليهم هتبقى رول ..

صينيه مقاس 22 مدهونه زيت او زبده او ورق زبده ونلف الرول فى الصينيه ونسيبها ترتاح او تخمر لحد ما تتضاعف ..

هنجيب صفار البيض ونضع عليه معلقتين حليب وفانيليا وندهنها بالبيض ..

هندخلها الفرن على 180 لحد ما لونها يحمر ..

وقدموها ..

الف هناا ..