السلام عليكم ورحمه الله وبركاته..
النهارده جايبالكم وصفة إنما ايه حلوة اوى وهتعجبكم..
سلطة البطاطس الحارة ( المشطشطة ) بالكزبرة
Potato Salad
المقادير :
٢ بطاطس متقطعه مكعبات
كزبره خضراء متقطعه صغير
زيت نباتى
ملح /كمون /شطة /بابريكا
م ك خل
٣ فصوص ثوم مفرومين
الطريقة :
هنغلى مايه و لما تغلى نحط فيها البطاطس ٤ دقايق و نطلعها و بعدين نحمرها فى طاسة فيها زيت
فى طاسة تانية بقى هحط شويه زيت و لما يسخنوا هحط الثوم و اول ما اشم ريحته هحط الخل و بعدين التوابل و نزود الشطة و البابريكا لان هما دول اللى بيدونا اللون و الشطشطة بتاعتها و الملح هنحط رشة بس علشان الخل و الملح لو زادوا طعمها هيغير خالص
بعد كدا هحط الكسبره و اقلب تقليبة و اشيلها من على النار و احط البطاطس و اقلبها و كدا هتبقى جاهزة و ازينها بشوية كسبرة
الف هناااا ..
تعليقات
إرسال تعليق