طريقة عمل خبز الصوف لفائف الصوف الشيف نادية السيد

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم قديمه بس جديده ..

لفائف خبز الصوف :

المقادير :

٢وثلاث ارباع كوب دقيق مخبوزات 

٣ونص ملعقة كبيرة سكر 

نص ملعقة صغيرة ملح 

ملعقة ونص صغيرة خميرة فورية 

بيضة 

كوب الا ملعقتين كبار حليب دافي 

الطريقة:

نقلب كل المكونات ونعجن كويس جدا لحد ما العجينة تلم وما تلزقش باليد نضيف ٢ملعقة كبيرة زبدة في درجة حرارة الغرفة ونترك العجينة تخمر من ساعة لساعة ونص ثم نستخدمها 

نقطع العجين لكور  صغيرة متساوية ونفرد بالواحدة ونقطع من النص شرايط رفيعة وعند الجزء الغير مقطع نضع الحشو المناسب (جبنة ،شوكولاتة ،مربى ،تمر) ونقفل الجناب كويس ونلف الرول دا يرص في الصينية ونكمل الباقي نتركه يخمر تاني ثم نمسح الوجه بصفار بيض عليه حليب وممكن اضافة النسكافيه لضياع الريحة انا رشيت بعد كدا سمسم وحبة سوداء ويسوى في الفرن في الرف الوسط على حرارة ٢٠٠ تقريبا بتاخد وقت من تلت لنص ساعة ونطلعها ممكن يمسح الوجه بزبدة سايحة لاعطاء اللمعة  🌹 

حقيقي العجينة كانت جميلة اوي .. 

واحدة بحشو الجبنة الفيتا وواحدة بمربى المشمش

الف هناا ..