طريقة عمل بيكاتا بالمشروم لحمه او فراخ

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار ومن بره غاليه جدا هنعملها في البيت ونوفر..

بيكاتا لحم بالمشروم :

المقادير:

2-لحمه 

2-قطعه زبده 

2-بصل (مبشور)

نص كوب كريمه لباني 

-ملح + فلفل + سكر

1-طبق صغير مشروم فريش 

3-معالق صغيرين ديمي جلاس باودر (من العطار)

الطريقه :

(١) اللحم ممكن شرايح بوفتيك بس انا بحب لحمه ملبسه عاديه و ب مضرب البوفتيك رفعتها بس مش قوي زي البانيه كده و تبلتها ب البصلتين المبشورين و ربع معلقه ملح بس و فلفل اسمر و سكر انا سبتها ليله كل ما بتتبل اكتر بتبقي احلا

(٢) طلعت اللحمه و شلت البصل منها و جبت طاسه و يفضل متكونش بتلزق و حطيت قطعه زبده و اديت اللحمه صدمه عل جمبين و نزلت ب كوبايه ميه سخنه عل لحمه  وطيت خالص زي نار الرز و غطيتها و طلعت اللحمه و الميه من الطاسه و حطتهم ف طبق

(٣)نحضر الكريمه اللباني ف كوبايه مع ال ٣ معالق ديمي جلاس و نص كوب شوربه من بتاعه اللحمه و نقلبهم و نسيبهم و غسلت المشروم و قطعته شرايح و الكميه بتبقي كبيره اول متدخل ف السوا الكميه بتقل جدا حطيت قطعه زبده ف الطاسه و حطيت المشروم و فضلت اقلب لحد ما استوي و نزلت ب اللحمه من غيير الشوربه و قلبتهم شويه بعد كده نزلت ب الكريمه ول شوربه منو اقلبهم لحد ما يمتزجوا و حطيت فلفل اسمر خدت غلوه و الصوص بقي تقيل و طفيت و بجد روعهههه جدا ..

ألف هنا ..