طريقة عمل الكحك المفتول او العجل كحك العيد الفلاحى

 السلام عليكم ورحمه الله وبركاته..

كل سنه وانتم طيبين..

النهارده جايبالكم وصفة إنما ايه حلوة اوى وهتعجبكم..

مين فينا مش بيحب الكحك بناع البلد اللى اسمه عجل او مفتول النهارده هقولكم تعملوه ازاى...

الكحك المفتول :

الطريقة والمقادير:

بنحط لكيلوالدقيق نص زبده بلدي متسيحه ودافيه 

تجيبي الدقيق وتحطيله رشة ملح وسكر ونص معلقة باكينج ولو حابه ريحة كحك

ومن هنا ...👇🏻

كحك العيد الناعم جدا فاطمة ابو حاتى من هنا

وتكوني مجهزه نص حليب دافي وحاطه كوب سكر ومعلقه وربع خميره فوريه وتقلبيهم لحد لما تفور 

بعد لما تفركي الدقيق بالسمنه كويس تحطي خليط الخميرة وتقلبي أو احتاجتي حليب حطي لحد لما تظبط معاك قطعي واحشي عجوه وابرميها لحد لما تتفرد زي الحبل تروحي عاملاها دايره وتضغطي ع الطرف تفرديه وتحطي الطرف التاني فيه وتقفلي وبعد كده انقشيه لمايسيب سمنته تحته يبقي خمر وتخبزي ع طول 

طبعا احنا بنعمل كميه كبيره

دي مقادير كيلو بس

ويبقي عجله كبيره شويه

الف هناا ..