طريقه عمل الباستا فلورا أو المبروشة او التارت فاطمة ابو حاتى

السلام عليكم ورحمه الله وبركاته..

النهارده جايبالكم وصفه حلوه اوي وتخليه سريعه وكلاسيكية..

الباستا فلورا:

او التارت أو المفروشة :

المقادير:

3 كوب دقيق

نص  كوب سكر 

نص كوب + معلقه  زبدة طرية (في حرارة المطبخ)

بيضة

ملعقة صغيرة فانيليا

ملعقة صغيرة بيكنج بودر

رشة ملح

معلقه صغيره خل

مربى (مشمش أو فراولة أو تين حسب الذوق)

ممكن نوتيلا

 الطريقة:

1. العجين:

في طبق كبير، اخلطي الزبدة مع السكر كويس جدًا لحد ما يبقوا كريمي.

ضيفي البيضة والفانيليا، واخلطي تاني.

ضيفي الدقيق، البيكنج بودر، ورشة الملح وابدئي تلمي العجين بإيدك لحد ما تبقي عجينة طرية ما بتلزقش (ما تعجنيش كتير).

2. التقسيم:

خدي 2/3 العجين وافرديها في صينية مدهونة زبدة (مقاس 26 تقريبًا).

افردي فوقها طبقة المربى بالتساوي.

3. الوش:

الباقي من العجين دخليه الفريزر ولما يجمد البشريه فوق المربى واطيها بالعجين

4. الخبز:

دخليها فرن متوسط (180°م) على الرف الأوسط أو لحد ما تتحمّر الأطراف والوش.

5. التقديم:

تقدم بارده مع سكوب ايس كريم لزياده الحلاوة ..

الف هنا ..