النهارده جايبالكم وصفه سهله تقريبا كلنا بنحبها ..
الحواوشى المصرى :
اعملوا في البيت بطريقتى متكلهوش من الشارع
الطريقه والمقادير :
هنجيب كيلو لحمه مفرومه فيها نسبه دهن ونحطها فى بوله واسعه
هنحط عليهم ٣ بصلات متوسطين و٣ فصوص توم و٢ فلفل رومى كبار كل ده مفروم هيتحط على الحمه
هنجيب من العطار بهارات حوواوشى ونحط معلقه كبيره عليهم وملح ورشه قرفه
وعصره ليمون و٢ معلقه زيت كبار
وممكن لو عندك دهن ضانى يتسيح ويتحط مكان الزيت تحفه
كل ده هيتحط فى بوله كبيره وتقلب فيهم كويس عشان المكونات تتدخل فى بعض وبعدين نحطها فى التلاجه مام ساعة
هنحيب عيش طازه ولازم طازه المهم ميكونش بايت خالص
وهنقصه ونفتحه بالمقص
وبعدين هنحط فى كل العيش الخلطه زى ماتحبى كتير قليل المهم توزعى صح وتتضغطى من فوق
وبعد ماتخلصى العيش كله
هنجيب ليه ضانى وتسيح وتاخدى الدهون بتاعتها او معلقه زيت
مش عندك هاتى سمنه بلدى وهتتدهنى الوش والضهر كويس
وتحطى على صاج الفرن من غير تغليف ولا حاجه
وافتحى ١٨٠ درجه حراره
وقلبى فى لحد ما يستوى هيطلع ريحه فظيعه فى البيت كله كده يعنى تمام
هيطلع من الفرن
الناس الى بتحبه محمص تاكله كده
الى بتحبه طرى يطلع من الفرن فى حله غويطه ويتقفل عليه لحد مايبرد خالص وهيكون طرى جدا
بس كده ..
الف هنا ..
تعليقات
إرسال تعليق