طريقة عمل برجر فراخ وصفة اقتصادية فاطمة ابو حاتى

 السلام عليكم ورحمه الله وبركاته 

النهارده جايبالكم وصفه سهله وحلوه وهتعجب الولاد اوى ..

برجر الفراخ :

الطريقه والمقادير:

المقادير :

نص كيلو صدور فراخ مفرومه ناعم جدااا

معلقه كبيره بقسماط

معلقه كبيره من: بصل بودر. توم بودر 

معلقه صغيره من : ملح و فلفل اسود. جنزبيل بودر

الطريقه : 

بنحط كل البهارات على الفراخ و نعجنها كويس اوووي و بعدين نبدأ نشكل بغطا برطمان او بتاعه البرجر و احطها في الفريزر ساعه 

لتغطيه البرجر :

بيضه 

معلقه لبن

رشه ملح و فلفل اسود 

نص كوب دقيق ذره اصفر

نص كوب دقيق ابيض

ربع كوب نشا

نفس البهارات اللي حطناها على تتبيله البرجر

الطريقه :

بنحط البيض مع اللبن و رشه الملح و الفلفل و نخفق كويس و نحط الدقيق و باقي الحاجه على بعض و نخلطهم كويس و بعدين بنحط البرجر في البيض و نطلعو في الدقيق و ننزلو في الزيت سخن بس درجه حراره متوسطه عشان ميخدش لون علطول و يبقي دهبي من برا و بنجيب كيزر و عليه مايونيز و خس و واحده من البرجر و بعدين جبنه و نعملو الحركه دي مره تاني و بس كده هتاكلو احلي برجر

الف هنا..