النهارده جايبالكم وصفه سهله لعمل توست صحى من دقيق القمح الكامل..
التوست البنى الصحى :
الطريقه والمقادير:
نص كيلو دقيق اسمر
معلقه ونص خميره
معلقتين سكر او عسل
كوب ونص ماء دافئ
معلقه خل ومعلقه بيكنج بودر
معلقتين زيت زيتون
معلقتين لبن بودره لو موجود اختيارى
ونضع كوب ماء والخميرة والسكر ونسيبهم 10 دقائق يخمروا
بعدها هنضع الدقيق وعليه البيكنج بودر ونص معلقه ملح والحليب البودرة ونعجنهم في العجان وتزود نص كوب دقيق لحد العجينه ماتلم وتبقى مش ملزقه
هنزود معلقتين زيت الزيتون وتكمل عجن
نخمرها في طبق غويط مدهون زيت ووشها زيت عشان ميشققش
نغطيها بكيس ونسيبها تخمر كويس
هنحضر قالب التوست وندهنه زيت ورشه دقيق
نضع العجينه على الرخامه ونفضى الخمر ونلفها اسطوانه على قد قالب التوست بس نلفها ضيق على قد ما تقدروا
نضعها في قالب التوست ونبططها ب أيدينا تاخد شكل القالب ونسيبها تخمر كويس جدا
نسخن الفرن على 200
ندهن وش القالب حليب او فرشه زيت خفيف
نخبزها في الفرن لمدة 25 دقيقه
لما تستوى نسيبها تبرد كويس بعد كده نلفها في فوطه كام ساعه
قبل التقطيع
تقطع بسكينه مشرشره ونخزن في الديب فريزر وتطلع على الميكروويف كانك لسه خبزاها
ادعولي دعوة حلوة
ألف هنا..
تعليقات
إرسال تعليق