السلام عليكم ورحمه الله وبركاته..
النهارده جايبالكم وصفه حلوه اوي هتعجبكم
كلنا لما بنتعزم في افراح بندوق ارز حلو اوى مش عارفين طريقته انا جبتلكم الطريقة..
ارز الافراح و الطباخين :
الطريقه والمقادير:
بتحمري كميه الرز كله تحمير كانك بتعملي الي هو بحبه وحبه دا لغايه لما كله ياخد لون دهبي
و ف حله تانيه تحمري لسان عصفور علي شعريه لغايه لما يحمرو بردو
وتحرقي ثلاث معالق سكر بحبه مايه صغيرين اووي لغايه لما يبقي لون الكراميل تضيفي الاول كوبايه مايه تغلي بالكراميل دا وبعدين ضيفي بقيت كميه المايه حسب كميه الرز بتاعك وبهري المايه المتكرمله دي بقي. بعود قرفه و توابل وملح وفلفل وورق لورا ومعلقه صلصله تعزز اللون ولما يغلو. ضيفي بقي الشعريه ولسان العصفور المتحمرين علي الرز المتحمر بردو و ضيفي عليهم بقي المايا دي و لما يشرب المايا زودي شويه زبيب علي وش الحله و ووطي لغايه لما يستوي. بيطلع نفسه بالظبط بتاع الطباخ وممكن تزوديه بدل المايا دي شوربه. بردو
الف هنا ..
تعليقات
إرسال تعليق