النهارده جايبالكم وصفة إنما ايه حلوة اوى وهتعجبكم كلنا بنحبها وبنشتربها من بره ..
هقولكم على كل التكات وهتبقوا فيها معلمين ..
المخلل البلدى المشكل:
الطرشى البلدى زى المحلات :
اول حاجه هنحضر المخلل اللى احنا بنحبه لفت جزر خيار ليمون فلفل قرنبيط بصل ..
هنجيب اللفت ونقشره عشان عايزين لونه ابيض ونقطعه بسكينه المخلل المشرشرة بحجم مناسب
بعدها هجيب الجزر واقطعه والخيار والفلفل والليمون كذلك وبعدها نحط معلقه سكر كبيره عليهم فى الطبق ..
البصل بعمله فى برطمان لوحده والقرنبيط بردو لوحده
مايه وملح وخل ولما يستوى البصل بقشره واجهزو وابقى احطه مع المخلل بالطلب عشان ريحته بتغير احيانا
نكمل بقى ..
المحلول الملحى المظبوط :
كل لتر مايه عليه معلقتين ملح ومعلقه سكر وتلت كوبايه خل
هنضيفهم بعد ما تغلى المايه وتبرد عشان نحافظ على المخلل ويقعد فتره طويله مقرمش
هنجيب برطمان نضيف ونحط فيه كام حبه فلفل اسود سليم ده بيحافظ على المخلل ويفضل شهور زى ماهو مقرمش ..
هنرص المخلل ونحط المحلول لحد الاخر متخليش فيه نفس ونحط كيس بلاستيك تحت الغطاء عشان نمنع اى هوا ..
بعد 15 يوم ممكن تاكلوه وممكن تشيلوه لرمضان زى ما تحبى ..
الف هنا ..
تعليقات
إرسال تعليق