طريقة عمل الكشرى الحلو بصوصات مختلفه موجوده في البيت

 السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم تريند الايام دى ..

الكشري الحلو :

الطريقة والمقادير:

هنعمل ارز بلبن بالطريقه العادية بتاعتنا وهسيبلكم رابط الارز بلبن الكريمى من هنا 👇

ارز بلبن كريمى

وهنحمر كنافه فى السمنه ولو عايزينها تبقى اخف يبقى حمروها فى الفرن او الاير فراير

والجلاش بردو قطعوه وحمروه ..

هنحضر الاطباق ونجمعها ..

طبقه رز بلبن وعليها طبقه كنافه ونسقيها بلبن مكثف محلى

وبعدها هنضع حسب اختيارنا ممكن صوص شيكولاته او لوتس او مانجا

بعدها هنضع الجلاش المحمر وعليه صوص تانى او مانجا مكعبات ..

جربوه ولو مره ..

الف هنا ..