النهارده جايبالكم وصفه حلوة اوى وسهله هتعجبكم ..
كنافه بالقشطه او الكريمه الكدابه :
هجيب كنافه طويله وتكون طازه اقسها على الطاجن المستطيل اللي عندي واقصها بالمقص واجهزها
وهنا انا عملت صنيه ٣٠ في ٤٠ خدت مني حوالي ٧٠٠جرام كنافه
اجهز اولا الكريمه كيلو لبن ارفعه عالنار يغللي واجهز ٤معالق كبار نشا مدوبين في نص كوب مياه واللبن بيغلي انزل بيهم مع التقليب واضيف عليهم علبه قشطه حمضيه مع معلقتين كريم شانتي مذاب في ميه والفانيليا يغلوا غلوتين واسيبههم يبردوا تماما
مواضييع تهمك :
الديسباسيتو كيك بالنوتيلا طعمه وهم
مينى تارت بالنوتيلا والشيكولاته والكراميل
كب كنافه بالقشطه طعمها يجنن
كحك العيد الناعم اوى فاطمه ابو حاتى
كيكه الروانى طريه وهشه وجميله
كيك النوتيلا والشيكولاته وهم بجد
طاجن ام على بالقشطه طعمها وهم
ادهن الصينيه سمنه عاديه مش سايحه معلقه كبيره واوزعها كويس وابتدي افرد الكنافه رقات بالطول واحاول افكك التشابك اللي فيها وافرد واضغط عليها بصينيه أصغر بيكون ارتفاعها حوالي نص سم واحط الكريمه وماوصلهاش للاطراف لأنها كده هاتلزق ومش هاتتقلب كويس مني
وارجع افرد الجزء اللي عالوش بضغط عالخفيف علشان الكريمه ماتخرجش من الاجناب
واجهز ٣معالق كبار سمنه واسيحهم وبضيف معاهم حوالي فنجان زيت دره واخدهم بفرشه وارش عالوش كله بالاجناب كويس وتدخل فرن ١٧٠ لحد ماتتحمر كويس
تتسقي شربات بارد وتقيل... بسقي من عالوش واقلبها واسقي من الضهر كويس ولو حبها تكون طريه غطيها وسبيها شويه
٣كوب سكر على ٢ميه وكوب عسل جلوكوز يغلو مع بعض وانزل عليهم بعصره ليمونه ويادوب ٥ دقايق بعد الليمون واطفي
ألف هناا
تعليقات
إرسال تعليق